അല്ലെങ്കിൽ തന്നെ ചെരുപ്പ് ഊരി വെക്കുന്നതിന്റെ കൂടെ സർവ്വ പുരോഗമന ആശയങ്ങളും ഊരി വെച്ചിട്ടാണ് പല മലയാളികളും വീട്ടിൽ കയറുന്നത്. അതുകൊണ്ട് കൂടിയാണ് വീട്ടകങ്ങളും, ഫാമിലി വാട്ട്സ്ആപ് ഗ്രൂപ്പുകളും സർവ്വ പിന്തിരിപ്പൻ ആശയങ്ങളുടെയും കൂത്തരങ്ങ് ആവുന്നത്. അപ്പോഴാണ് 'വീട്ടിൽ ഞാൻ പെർഫെക്റ്റല്ല' എന്നുപറഞ്ഞ് ഇതിനൊക്കെ ന്യായീകരണവുമായി ചിലർ ഇറങ്ങുന്നത്. കാലുവയ്യാത്ത അമ്മയെക്കൊണ്ടു സർവ്വപണിയും ചെയ്യിക്കുന്ന, കാമുകിയോടും അച്ഛനോടുമൊക്കെ അങ്ങേയറ്റം പരുഷമായി പെരുമാറുന്ന, തനിക്ക് എന്തെങ്കിലും വ്യക്തിപരമായ നേട്ടമുള്ള 'എക്സ്ട്രാ ഓർഡിനറി' വ്യക്തികളോട് മാത്രം മാന്യമായി പെരുമാറുന്ന ആന്റണിമാർക്ക് വേണ്ടി ന്യായീകരണം ചമച്ച്, പ്രോത്സാഹനം കൊടുത്ത് ഉത്തേജിപ്പിക്കേണ്ട കാലമാണോ ഇത്?
വീടിനുള്ളിൽ പെർഫെക്ട് ആയില്ലെങ്കിലും പുരോഗമനത്തിന്റെ കാറ്റും വെളിച്ചവും അകത്തുകടത്തുകയെങ്കിലും ചെയ്തില്ലെങ്കിൽ ഈ പുറത്തുകാണിക്കുന്ന പുരോഗമന നാട്യങ്ങൾക്ക് വലിയ കാര്യമൊന്നുമില്ല.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
മടിച്ചു നില്ക്കാതെ കടന്നു വരൂ; ഘോരഘോരമായ വിമര്ശന പീരങ്കികള് എടുത്തു പ്രയോഗിക്കൂ....