നീണ്ട വിവാദ കോലാഹലങ്ങള്ക്കും തമിഴ്നാട് സര്ക്കാരിന്റെ നിരോ
നൂറു കോടിയിലധികം ചെലവാക്കി എടുത്ത ഈ ചിത്രത്തിന്റെ നിര്മ്മാണം കമല്ഹാസന് സഹോദരന് ചന്ദ്രഹാസനുമായി ചേര്ന്ന് നിര്വഹിച്ചിരിക്കുന്നു. രചനയും സംവിധാനവും കമല് തന്നെ. ലോകനിലവാരമുള്ള സാങ്കേതി
ചിത്രത്തില് ഖുറാനിലെ ചില വാക്യങ്ങളെ വയലസിന്റെ പശ്ചാത്തലമായി ഉപയോഗിക്കുന്നു എന്നാണു അവരുടെ പ്രധാന ആരോപണം. മറ്റൊന്ന് മുസ്ലീം മതവിശ്വാസത്തെയും തീവ്രവാദത്തെയും കൂട്ടികെട്ടുന്നു എന്നതും. 2001-ലെ തീവ്രവാദ ആക്രമത്തെ തുടര്ന്ന് ഒരു ഇസ്ലാമോഫോബിയ പടര്ത്തുന്നതിനുള്ള ശ്രമങ്ങള് അമേരിക്കന് സാമ്രാജ്യത്തിന്റെ നേതൃത്വത്തില് നടക്കുന്നുണ്ട് എന്നതും അതില് അവര് ഒരു പരിധി വരെ വിജയിച്ചിട്ടുണ്ട് എന്നതും സത്യമാണ്. ഈ ആശങ്ക അഡ്രസ് ചെയ്യപ്പെടേണ്ട ഒന്ന് തന്നെയാണ്. എന്നാല് ഈ ആശങ്കയെ ചൂഷണം ചെയ്തു തന്കാര്യം നേടാന് നടക്കുന്നവരുടെ പൊള്ളത്തരങ്ങളും നാം തിരിച്ചറിയേണ്ടതുണ്ട്.
അമേരിക്കന് ആക്രമണം നേരിടുന്ന കാലത്തെ അഫ്ഘാനിസ്ഥാനാണ് ചിത്രത്തിന്റെ സിംഹഭാഗവും പശ്ചാത്തലം ആയി വര്ത്തിക്കുന്നത്. അഫ്ഗാനിസ്ഥാ
അമേരിക്കന് സാമാജ്യത്വമാകട്ടെ തീവ്രവാദ വിരുദ്ധയുദ്ധം പ്രഖ്യാപിക്കുമ്പോള് അതിന്റെ രാഷ്ട്രീയത്തെ അല്ല, മറിച്ച് മതപരമായ പശ്ചാത്തലത്തെ ആണ് ആയുധമാക്കിയത്. കാരണം തീവ്രവാദത്തിന്റെ രാഷ്ട്രീയം ചര്ച്ച ചെയ്യപ്പെട്ടാല് അതിന്റെ ഒന്നാം പ്രതി തങ്ങള് തന്നെ ആയിരിക്കും എന്ന് അവര്ക്കുള്ള തിരിച്ചറിവ് തന്നെയാണ് ഇതിനു കാരണം. തങ്ങളുടെ നേരെ കുറ്റപ്പെടുത്തല് വരാതിരിക്കാനായി അമേരിക്കന് സാമ്രാജ്യത്വം അതിന്റെ വിവിധങ്ങളായ ജിഹ്വകള് ഉപയോഗി
'വിശ്വരൂപത്തി'ലേയ്ക്ക് തിരിച്ചു വരാം. താലിബാന് ഭരണത്തില് കീഴിലുള്ള അഫ്ഗാനിസ്ഥാന് ചിത്രീകരിക്കപ്പെടുമ്പോള് അവിടത്തെ വേഷവിധാനങ്ങളും, വിശ്വാസങ്ങളും, ശിക്ഷാരീതികളും ഒക്കെ യഥാതഥമായി ചിത്രീകരിക്കുക നല്ല ചലച്ചിത്രകാരന്റെ കടമയാണ്. അതില് ഇവിടെ കമലഹാസന് വിജയിച്ചു എന്നുതന്നെ പറയേണ്ടി വരും. കമല് അവതരിപ്പിക്കുന്ന കഥാപാത്രം മാത്രമാണ് ഇതില് ഇന്ത്യന് വംശജര് ആയുള്ളത്, കമലാകട്ടെ തീവ്രവാദവിരുദ്ധ പോരാട്ടത്തിന്റെ ഭാഗമായി വേഷം മാറി അവിടെ എത്തുന്നതും. തീവ്രവാദികളില് രണ്ടുപേര് തമിഴ് സംസാരിക്കുന്നതായി കാണിക്കുന്നെങ്കിലും അവര് ഇന്ത്യയുമായി ഒരു രീതിയില് ബന്ധമുള്ളവര് അല്ല. മറിച്ച് കഥപറച്ചിലിന്റെ എളുപ്പത്തിനു വേണ്ടി കമല് നടത്തിയ ഒരു തട്ടിക്കൂട്ട് പരിപാടി മാത്രമാണ് ഈ തമിഴ് ഭാഷയറിയാവുന്ന തീവ്രവാദികള്. അപ്പോള്പ്പിന്നെ ഈ ഭാഗങ്ങള് ഇന്ത്യന് പശ്ചാത്തലത്തിലേക്ക് വലിച്ചു നീട്ടി അനാവശ്യ വിവാദങ്ങള് സൃഷ്ടിക്കുന്നത് കഥയറിയാതെ ആട്ടം കാണുന്ന ശുദ്ധ വിഡ്ഢിത്തരം നിറഞ്ഞ പരിപാടിയാണ്. ചിത്രത്തെ വിമര്ശിച്ചു കൊണ്ട് സംസാരിച്ചു തുടങ്ങുന്ന ഒ. അബ്ദുള്ളയെപ്പോലുള്ളവര് പെട്ടെന്ന് വിഷയം മാറ്റി ഇവിടത്തെ ഇസ്ലാം സമൂഹത്തെ പറ്റി സംസാരിക്കുന്നതും അതുകൊണ്ട് തന്നെ അസ്ഥാനത്തുള്ള ഇടപാടാണെന്നു മാത്രമല്ല, അത് നമ്മുടെ മുസ്ലീം സഹോദരങ്ങളെ അപമാനിക്കുന്നതിനു തുല്യമാണ്.
തീവ്രവാദത്തെപ്പറ്റി ആഴത്തിലുള്ള രാഷ്ട്രീയ-സാമൂഹിക നിരീക്ഷണങ്ങളൊന്നും ഈ ചിത്രത്തിലൂടെ നല്കാന് കമല് ഹാസന് കഴിഞ്ഞിട്ടില്ല. മറിച്ചു തീവ്രവാദത്തെ പശ്ചാത്തലമാക്കി നിര്മ്മിക്കപ്പെട്ട ഒരു കച്ചവട സിനിമ മാത്രമാണ് വിശ്വരൂപം. കഴിഞ്ഞ ഒരു ദശാബ്ദമായി ലോകസിനിമയില് തീവ്രവാദം ഒരു പ്രധാന വിഷയമാണ്. മുഖ്യധാരാ- ഹോളിവുഡ് സിനിമകള് അമേരിക്കന് സാമ്രാജ്യത്വം നിര്മ്മിച്ച പോതുബോധത്തെ പിന്പറ്റുമ്പോള് മുഖ്യധാരയ്ക്
കഴിഞ്ഞ വര്ഷം പുറത്തിറങ്ങിയ 'Nabil Ayouch' സംവിധാനം ചെയ്ത 'Horses of God' എന്ന ഫ്രഞ്ച്-മൊറോക്കോ ചിത്രം മൊറോക്കോയിലെ കാസാബ്ലാങ്കയില് നടന്ന ഒരു ചാവേര് സ്ഫോടനത്തിന്റെ യഥാര്ത്ഥ കഥയാണ് പറയുന്നത്. 'താന് തീവ്രവാദി ആണെന്നറിഞ്ഞാല് തന്റെ കാമുകി എന്ത് കരുതും' എന്ന കേന്ദ്രകഥാപാത്രത്തിന്റെ കൂട്ടുകാരനോടുള്ള ചോദ്യത്തോടെയാ
ഇങ്ങനെയൊക്കെ പറയുമ്പോഴും വിശ്വരൂപം രാഷ്ട്രീയമായ ശരികേടാണ് മുന്നോട്ടുവെക്കുന്നത് എന്ന് പറയാതെ വയ്യ. ലഘുവായ കാര്യങ്ങള് മുന്നിര്ത്തി ചിത്രത്തിന്റെ നിരോധനത്തിനായി ഘോരഘോരമായി വാദിക്കുന്നവര് ഈ രാഷ്ട്രീയമായ ശരികേടിനെ കുറിച്ച് ചര്ച്ച ചെയ്യാനുള്ള സാധ്യതകള് കൂടിയാണ് ഇല്ലാതാക്കുന്നത്. അമേരിക്കയുടെ തീവ്രവാദവിരുദ്ധ പോരാട്ടമാണ് തീവ്രവാദത്തെ നേരിടാനുള്ള ശരിയായ വഴി എന്നും, അതിനു നാം അവര്ക്കൊപ്പം നില്ക്കണം എന്നും ചിത്രം നമ്മോടു പറയുന്നു. ചരിത്രത്തെ മറന്നു കൊണ്ടുള്ള ഈ വാദം തെറ്റാണ് എന്ന് കാലം ഇതിനകം തെളിയിച്ചു കഴിഞ്ഞു. അമേരിക്കയുടെ അധിനിവേശങ്ങള് തീവ്രവാദത്തെ ഇല്ലാതാക്കുകയല്ല മറിച്ച് കൂടുതല് ചാവേറുകളെ സൃഷ്ടിക്കുന്നതില് മാത്രമേ വിജയിക്കുന്നുള്ളൂ. അമേരിക്കയുടെ യുദ്ധങ്ങള് വരുത്തിവെച്ച കെടുതികള് ഇതൊരു തീവ്രവാദി ആക്രമണത്തെക്കാളും വലിയ നാശ നഷ്ടങ്ങള് ലോകത്തിനു വരുത്തിക്കഴിഞ്ഞു. അമേരിക്കന് ഭരണത്തില് അമിതസ്വാധീനമുള്ള ആയുധലോബിയുടെ കീശ വീര്പ്പിക്കുകയും, എണ്ണപ്പാടങ്ങളുടെ നിയന്ത്രണം അമേരിക്കന് കോര്പ്പറേറ്റുകള്ക്ക് തീറെഴുതുകയുമാണ് ഈ യുദ്ധത്തിന്റെ ബാക്കിപത്രം. സ്ത്രീത്വമുള്ള ഒരു നര്ത്തകനായാണ് കമല് ചിത്രത്തില് ആദ്യം പ്രത്യക്ഷപ്പെടുന്നത്. എന്നാല് പെട്ടെന്നൊരു നിമിഷം ഒറ്റയ്ക്ക് പത്തിരുപത്തഞ്ചു പേര് അടിച്ചും കുത്തിയും കൊന്നുകൊണ്ട് തന്റെ വിശ്വരൂപം പുറത്തെടുക്കുന്നു. 'Masculinity'-യില് വിശ്വസിക്കുകയും അതാണ് പ്രശ്നങ്ങള്ക്കുള്ള പരിഹാരമെന്നും കമല് ചിത്രത്തിലൂടെ പറയാന് ശ്രമിക്കുന്നു. എന്നാല് 'American Masculinity' -യ്ക്ക് മറ്റൊരു ചരിത്രവും വര്ത്തമാനവും ആണുള്ളത് എന്ന് കമല് എപ്പോഴോ മറന്നുപോയിരിക്കുന്നു.
അതിര്ത്തി കടന്നു കേരളത്തിലെത്തി സിനിമ കണ്ടാണ് തെക്കന് തമിഴ്നാട്ടിലെ സിനിമാപ്രേമികള് നിരോധനത്തെ തോല്പ്പിച്ചത്. നമ്മുടെ കച്ചവട സിനിമകളില് സാധാരണ കാണുന്ന മുസ്ലീം വിരുദ്ധത വെച്ച് നോക്കിയാല് വിശ്വരൂപം ഒരു നിരുപദ്രവകാരിയാണ്. നമ്മുടെ മുഖ്യധാരാ സിനിമ പലപ്പോഴും ദളിത് വിരുദ്ധവും സ്ത്രീ വിരുദ്ധവും മുസ്ലീം വിരുദ്ധവുമായ ഒരുപാട് സംഗതികള് മുന്നോട്ടു വെക്കുന്നുണ്ട്. എന്നാല് അവയെ നേരിടേണ്ടത് നിരോധനങ്ങള് കൊണ്ടല്ല; മറിച്ചു രാഷ്ട്രീയവും സാമൂഹികവുമായ ചര്ച്ചകളിലൂടെയാണ്, ആശയസമരത്തി
L
ശുഭം!
മംഗളം!
അനൂപ് കിളിമാനൂര്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
മടിച്ചു നില്ക്കാതെ കടന്നു വരൂ; ഘോരഘോരമായ വിമര്ശന പീരങ്കികള് എടുത്തു പ്രയോഗിക്കൂ....