വ്യാഴാഴ്‌ച, നവംബർ 18, 2010

കണ്ണീരും കിനാവുകളും

അങ്ങനെ കലാലയ ജീവിതമൊക്കെ കഴിഞ്ഞു പണിയൊന്നുമാവാതെ എഞ്ചിനീയറിംഗ് പഠിക്കുന്ന പിള്ളേര്‍ക്ക് ട്യൂഷന്‍ ഒക്കെ എടുത്തു നടക്കുന്ന കാലം. ഇത്തവണ ആഗോള മാന്ദ്യത്തിന്റെ രൂപത്തിലാണ് രാഷ്ട്രീയം എന്‍റെ ജീവിതത്തില്‍ ഇടപെട്ടത്. അങ്ങനെ ജോലിക്കുള്ള ആപ്പ്ളിക്കേഷനുകള്‍ അയച്ചു നടക്കുന്നു. എന്‍റെ കയ്യിലുണ്ടായിരുന്ന 22 ഫോട്ടോയും തീര്‍ന്നു. അങ്ങനെ ഒരു ഫോട്ടോ എടുക്കാന്‍ സ്റ്റുഡിയോയില്‍ ചെന്നു. പുള്ളി ചിരിക്കാന്‍ പറയുന്നു. എനിക്കാണേല്‍ ഒരു മൂഡില്ല. അപ്പൊ എവിടെയോ വായിച്ചതോര്‍ത്തു, ജീവിതത്തിലെ ഏറ്റവും സന്തോഷം ഉള്ള സന്ദര്‍ഭങ്ങള്‍ മനസ്സില്‍ കണ്ടാല്‍ മുഖത്ത് അറിയാതെ ഒരു പുഞ്ചിരി വരുമത്രേ. ഞാന്‍ ജീവിതത്തിലെ ഏറ്റവും സുന്ദരമായ ആ നിമിഷങ്ങളെ ഓര്‍ത്തു. ഒടുവില്‍ ഫോട്ടോ വാങ്ങാന്‍ ചെന്നപ്പോള്‍ ഫോട്ടോയില്‍ പുഞ്ചിരിയില്ല; പകരം കണ്ണീരും അല്പം കിനാവുകളും....

ശുഭം!
മംഗളം!
അനൂപ്‌ കിളിമാനൂര്‍

5 അഭിപ്രായങ്ങൾ:

മടിച്ചു നില്‍ക്കാതെ കടന്നു വരൂ; ഘോരഘോരമായ വിമര്‍ശന പീരങ്കികള്‍ എടുത്തു പ്രയോഗിക്കൂ....