ഞായറാഴ്‌ച, ഒക്‌ടോബർ 31, 2010

ധാര്‍ഷ്ട്യം



ആഴ്ചതോറും എണ്ണവില കൂട്ടിയാലും
ബോഡി ലാംഗ്വേജ് നന്നായാല്‍ മതി.
റേഷന്‍ ഒട്ടും തന്നില്ലേലും
വിനയം ഉണ്ടായാ മതി.
എന്ടോസള്‍ഫാന്‍ ഉച്ചിക്കുതന്നെ തളിച്ചാലും
ക്യാമറ നോക്കി ഇളിച്ചാമതി.
അരിവില മാനം മുട്ടെ ഉയര്‍ന്നാലും
അന്തിച്ചര്‍ച്ചയില്‍ ആ ചിരി കണ്ടാ മതി.
ആ ചിരിക്കുന്ന മുഖം കാണുമ്പോള്‍
ആനന്ദം പരമാനന്ദം... ഹായ്...
പത്രക്കാരന്‍ എന്‍റെ അളിയനാകുന്നു,
കണ്ണും കാതുമാകുന്നു,
കവിളും കരളുമാകുന്നു....
അവന്‍ നിര്‍മ്മിക്കുന്നത് മാത്രമെന്‍ കാഴ്ചകള്‍,
അവന്‍ നിര്‍മ്മിക്കുന്നത് മാത്രമെന്‍ കേള്‍വികള്‍;
എന്‍ ചിന്തകള്‍ പോലും....

അവനെന്നോട് പറയുന്നു,
ഇടതന്റെ ആ ധാര്‍ഷ്ട്യം, അതാണ്‌ നിന്റെ ശത്രു.
അതു മാത്രം....
ബാക്കിയെല്ലാം നിസ്സാരം, വെറും നിസ്സാരം.

ഒടുവിലെന്‍ കണ്ണ് കലങ്ങുമ്പോള്‍,
മുണ്ട് മുറുക്കിയുടുക്കുമ്പോള്‍,
പൈതങ്ങള്‍ വിശന്നുകരയുമ്പോള്‍,
കിടപ്പാടം ബ്ലയിഡിലോതുങ്ങുമ്പോള്‍,
കഴുത്തില്‍ കയറു മുറുകുമ്പോള്‍...
അവന്‍ മുന്‍നിരയില്‍ തന്നെയുണ്ട്‌;
പുതിയ കാഴ്ചകള്‍ക്കും കേള്‍വികള്‍ക്കുമായി

എന്നെത്തന്നെ ആഘോഷിച്ചുകൊണ്ട്.....

ശുഭം!
മംഗളം!
അനൂപ് കിളിമാനൂര്‍ചിത്രം : Kerala Walk

2 അഭിപ്രായങ്ങൾ:

മടിച്ചു നില്‍ക്കാതെ കടന്നു വരൂ; ഘോരഘോരമായ വിമര്‍ശന പീരങ്കികള്‍ എടുത്തു പ്രയോഗിക്കൂ....