ബുധനാഴ്‌ച, ഏപ്രിൽ 07, 2010

രാഷ്ട്രീയവും മറ്റും...........


Feb 23
ANOOP S R - Buzz - Public
സമൂഹത്തില്‍ ഇടപെടാതെ മാറിനിന്നു കുറ്റം പറയുന്ന നിക്ഷ്പക്ഷ നാട്യക്കാരെയാണ് എനിക്ക് ഏറ്റവും വെറുപ്പ്‌. സ്വന്തം അഭിപ്രായം തുറന്നു പറയാന്‍ ധൈര്യം ഇല്ലാത്തവരാന് ഈ കള്ളന്മാര്‍. -സലിം കുമാര്
1 person liked this - lekshmi nair

Harikrishnan Sreekumar - " ഞാന്‍ നിക്ഷ്പക്ഷമാണു് " എന്നു പറയുന്നതും ഒരു അഭിപ്രായമാണ്..........പക്ഷേ അങ്ങനെയുള്ള ഒരു ഉത്തരം ഭൂരിപക്ഷം പേര്‍ക്കും സ്വീകാര്യമല്ല ......... അവര്‍ക്കു വേണ്ടത് A OR B എന്ന ഉത്തരമാണ് ... A&B യും neither A nor B യും അവര്‍ എന്നും തള്ളിക്കളയുന്നു .Feb 24

ANOOP S R
- കണ്‍മുന്നില്‍ അനീതി നടക്കുമ്പോള്‍ മാറിനിന്നു ഞാന്‍ നിക്ഷ്പക്ഷനാണ് എന്ന് പറയുന്നവന്‍ യഥാര്‍ത്ഥത്തില്‍ തെറ്റ് ചെയ്യുന്നവന്റെ പക്ഷം ചേരുകയാണ്...... Feb 24
Harikrishnan Sreekumar - ഞാന്‍ ഉദ്ദേശിച്ചത് നിക്ഷ്പക്ഷത എന്ന ഉത്തരത്തിന്റെ സ്വീകാര്യതയെപ്പറ്റിയാണു്. സംസാരിച്ചു തുടങ്ങുന്ന ഒരു കുഞ്ഞിനോടു ചിലര്‍ ചോദിക്കും : "മോന് ആരെയാ കൂടുതല്‍ ഇഷ്ടം ? അച്ഛനേയോ അമ്മയേയോ ? " "രണ്ടുപേരേയും" എന്നു പറഞ്ഞാല്‍ ഉടനേ അടുത്ത ചോദ്യം വരും : "എന്നാലും ആരെയാ കൂടുതല്‍ ഇഷ്ടം ? " ഈ ചോദ്യം വല്യ ആനക്കാര്യം ഒന്നുമല്ലെങ്കിലും A&B എന്ന ഉത്തരം സ്വീകാര്യമല്ല എന്നതിന്റെ ഏറ്റവും ലളിതമായ തെളിവാണ്...ഇതു പോലെ എത്രയോ ചോദ്യങ്ങള്‍ നാം നേരിടുന്നു.... പല രൂപത്തില്‍ പല വിഷയങ്ങളില്‍ ( നിനക്ക് മോഹന്‍ലാലിനേയോ മമ്മൂട്ടിയേയോ കൂടുതല്‍ ഇഷ്ടം ? എന്നതു മറ്റൊരുദാഹരണം ) പിന്നെ പക്ഷം പിടിക്കല്‍.... തനിക്കു അറിഞ്ഞുകൂടാത്തതോ മനസ്സിലാവാത്തതോ താത്പര്യമില്ലാത്തതോ ആയ കാര്യത്തില്‍ ഇടപെടാതിരിക്കുകയും അഭിപ്രായം പറയാതിരിക്കുകയും ചെയ്യുന്നതാണ് ശരി . അവിടെ പക്ഷം പിടിക്കുന്നവന്‍ അനുഭവിക്കും ; നിക്ഷ്പക്ഷനെ എന്തിനു വക വയ്ക്കാന്‍ പോകുണം ? ഇരു പക്ഷവും എന്താണെന്നു വ്യക്തമായി അറിയാവുന്നവനേ നിക്ഷ്പ്ക്ഷത പാലിക്കാനാവൂ ...അല്ലാത്തവന്‍ ചുമ്മാ "Demo" കാട്ടാന്‍ വരുന്നവന്‍.. Feb 25
ANOOP S R - നിങ്ങള്‍ രാഷ്ട്രീയത്തില്‍ ഇടപെട്ടില്ലെങ്കില്‍ രാഷ്ട്രീയം നിങ്ങളില്‍ ഇടപെടും. -ലെനിന് Feb 25
Harikrishnan Sreekumar - വേണ്ടാത്ത ഇടത്ത് ഇടപെടാന്‍ മാത്രം രാഷ്ട്രീയം അധ :പതിച്ചിട്ടില്ല എന്നു ഞാന്‍ വിശ്വസിക്കുന്നു. അങ്ങനെ ഇടപെടുന്ന രാഷ്ട്രീയം വെറും ആഴ്ച്ചപ്പതിപ്പിന്റെ പംക്തികളായി ജനിച്ചു മരിക്കും .... ഒരു മാതിരി "പരിപ്പുവടയുടെ രാഷ്ട്രീയം", "ചുരിദാറിന്റെ രാഷ്ട്രീയം" എന്നൊക്കെ പറയുന്ന പോലെ ....മനുഷ്യനു മനസ്സിലാവാത്ത ഭാഷയില്‍ കുറേ താളുകള്‍ ..... Feb 26
ANOOP S R - പഞ്ചസാര കിലോ 45 രൂപ. നിങ്ങള്‍ രാഷ്ട്രീയത്തില്‍ ഇടപെട്ടില്ലെങ്കില്‍ രാഷ്ട്രീയം തീര്‍ച്ചയായും നിങ്ങളില്‍ ഇടപെടും. Feb 26
Muhammed Shakir Manaam - But, Actually, ther is no political party working for the people or for the country... They certainly stands for money and power... So, sometimes it's Better to have a single group without any opinion, rather than having more number of parties standing for few individuals with different views... Feb 27

Harikrishnan Sreekumar
- പഞ്ചസാര വില 45 ആയാലും 450 ആയാലും ഇവിടെ വാങ്ങാന്‍ ആളെ കിട്ടും ......... സിവില്‍ സപ്പ്ളൈസ് ഉള്ളടത്തോളം കാലം എനിക്കു അതൊരു പ്രശ്നമേ അല്ല ...കുറെ നേരം ക്യൂവില്‍ നിന്നാലും 25 രൂപയ്ക് ഞാന്‍ പഞ്ചസാര വാങ്ങിക്കൊള്ളാം .... ഭക്ഷ്യ സാധനങ്ങളുടെ വില വര്‍ദ്ധനവിനെ ഒരു പരിധിക്കപ്പുറം കുറ്റം പറയുന്നത് കേരളം പോലെ ഒരു ഉപഭോക്തൃ സംസ്ഥാനത്തിന് ഭൂഷണമല്ല .... നമ്മളടക്കം ഇതിനെപ്പറ്റി ഘോരഘോരം വാഗ്വാദം നടത്തുന്ന ഒരു മനുഷ്യനും കൃഷിയെപ്പറ്റിയോ അതിന്റെ ചെലവുകളെപ്പറ്റിയോ ഒരു ചുക്കും അറിയില്ല. എന്നാലും എല്ലാവരും പരസ്പരം പഴിചാരി രസിക്കുന്നില്ലേ ? കേന്ദ്ര സര്‍ക്കാര്‍ സംസ്ഥാന സര്‍ക്കാറുകളേയും തിരിച്ചും കുറ്റം പറഞ്ഞു രസിക്കുന്നു ...കാര്‍ഷിക മേഖലയില്‍ സ്വയംപര്യാപ്തത നഷ്ട്ടപ്പെട്ട ഒരു സംസ്ഥാനം ഇതിനും അപ്പുറം കാണേണ്ടി വരും ... അതിനു കാരണം ഒരു രാഷ്ട്രീയ പാര്‍ട്ടിയുമല്ല ....ഒരു വാദത്തിനായി ആര്‍ക്കും എന്തും പറയാമല്ലോ .. " നീ വിതച്ചതേ നീ കൊയ്യൂ " Feb 27
Afsal Gafoor - രാഷ്ട്രീയമെന്നത് നിലനില്‍ക്കുന്ന സമൂഹത്തോടുള്ള സജീവമായ പ്രതികരണമാണ്.....അല്ലാതെ അത് കുറെ abcd പാര്‍ടികളുടെ കൊടി പിടിക്കലല്ല...അതില്‍ ഇടപെടാന്‍ ആര്‍ക്കെങ്കിലും phd ആവശ്യമുണ്ടോ...ചുറ്റും ഒന്ന് കണ്ണോടിച്ചാല്‍ പോരെ........ Feb 27
Harikrishnan Sreekumar - ഇടപെടാന്‍ PhD ഒന്നും വേണ്ട.....പക്ഷേ യുവജനങ്ങളില്‍ എത്ര ശതമാനം യഥാര്‍ത്ഥത്തില്‍ രാഷ്ട്രീയത്തില്‍ തത്പരരാണു് ? നല്ലൊരു ഭാഗവും വെറും എഴുത്തിലും വാഗ്വാദങ്ങളിലും മാത്രം രാഷ്ട്രീയം പറയുന്നു... അവര്‍ക്കെല്ലാം പേച്ചേ ഉള്ളൂ...പ്രവൃത്തി ഇല്ല....."ബഹുരാഷ്ട്ര കുത്തക കമ്പനികളെ എതിര്‍ക്കുക" എന്നു വിളിച്ചു പറഞ്ഞു കൊണ്ടിരിക്കുന്നവന്‍ ഒരു സുപ്രഭാതത്തില്‍ അത്തരം ഒരു കമ്പനിയില്‍ ജോലി തേടി പോകുന്നതു പോലെ വെറും ബാലിശമാണ് അവരുടെ രാഷ്ട്രീയം...
ആംഗലേയത്തില്‍ പറഞ്ഞാല്‍ "Majority of the youth is not serious about Politics" Feb 28
Afsal Gafoor - ഒരു തിന്മയോടുള്ള പ്രതികരണം കൈകള്‍ കൊണ്ടാണെങ്കില്‍ അങ്ങനെ..ഇനി അതിനു ആശക്തനെങ്കില്‍ നിങ്ങള്‍ നാവ് ഉപയോഗിക്കുക....അതിനും കഴിയില്ലെങ്കില്‍ നിങ്ങളുടെ മനസ് കൊണ്ട് നിശബ്ദമയെങ്കില്ലും പ്രതികരിക്കുക...മുഹമ്മദ്‌ നബി സല്ല.. Feb 28
Afsal Gafoor - അരാഷ്ട്രീയത ഒരു ജനാധിപത്യ രാജ്യത്തില്‍ രാഷ്ട്രീയത്തിന്റെ മുല്യച്ചുതിയെക്കള്‍ ഏറെ അപകടമാണ്.. ശരിക്കും നമ്മള്‍ നഷ്ടപെടുതുന്നത് അതിനെതിരെ പ്രതികരിക്കാനുള്ള അവസരമാണ്.. Feb 28
Harikrishnan Sreekumar - പലപ്പോഴും പ്രതികരണം പ്രസ്താവനയില്‍ മാത്രം ഒതുങ്ങുന്നു എന്നതാണ് ദു :ഖകരം . Mar 1
ANOOP S R - സിവില്‍ സപ്ലൈസോക്കെ സജീവം ഇന്ത്യയില്‍ വളരെക്കുറച്ചു ഇടത്തേ ഉള്ളു ഹരേ. ഇപ്പോള്‍ കേന്ദ്ര ഗവണ്മെന്റ് റേഷന്‍ സംവിധാനം തന്നെ നിര്‍ത്താനുള്ള പരിശ്രമത്തിലാ. coupon സിസ്റ്റം എന്നോ മറ്റോ പറയുന്ന കേട്ട്. പഞ്ചസാര 450 രൂപ ആയാല്‍ സിവില്‍ സപ്ലൈസിന് 25 രൂപയ്ക്കു കൊടുക്കാന്‍ കഴിയോ? 450 രൂപയ്ക്കു പോട്ടെ 50 രൂപയ്ക്കു ഒരു കിലോ പഞ്ചസ്സാര വാങ്ങാന്‍ കഴിയുന്ന എത്ര കുടുംബങ്ങള്‍ ഇന്ത്യയില്‍ ഉണ്ടു? പിന്നെ വിലക്കയറ്റത്തിന് കേന്ദ്ര ഗോവെര്‍ന്മെന്റിന്റെ നയങ്ങള്‍ തീര്‍ച്ചയായും കാരണമാകുന്നുണ്ട്. അവധി വ്യാപാരം നിരോധിച്ചാല്‍ വിലക്കയറ്റം ഒരു പരിധി വരെ തടയാന്‍ കഴിയും. പൊതുവിതരണ സംവിധാനം ശക്തിപ്പെടുത്തുകയും വേണം. എന്നാല്‍ ഇതിന്റെ നേരെ എതിര്‍ ദിശയിലാണ് കേന്ദ്ര ഗോവെര്‍ന്മെന്റിന്റെ പോക്ക്. കേരളം ഒരു ഉപഭോഗ സംസ്ഥാനം ആയതു കൊണ്ടാണ് വിലക്കയറ്റം എന്നാ വാദം തെറ്റാണു. കാരണം കേരളം മാത്രമല്ല ഇന്ത്യ മുഴുവന്‍ വിലക്കയറ്റത്തിന്റെ പിടിയിലാണ്. ഇപ്പോഴിതാ എരിതീയില്‍ എണ്ണ ഒഴിക്കും പോലെ പെട്രോള്‍, ഡീസല്‍ വില മൂന്ന് രൂപ വെച്ച് കൂട്ടിയിരിക്കുന്നു. ഇത് വിലക്കയറ്റത്തെ ഇനിയും കൂടും. മനുഷ്യത്വമുള്ള ആര്‍ക്കെങ്കിലും ഇത് ചെയ്യാന്‍ കഴിയോ? ഓര്‍ക്കുക ഇത് ഗോവെര്‍മെന്റിനു വേണ്ടിയാണ്, അതായതു നികുതി വര്‍ധന. ഇനി പെട്രോളിയം കമ്പനികള്‍ക്ക് വേണ്ടി ഒരു വര്‍ധന ഉണ്ടു.അതും കൂടിയാവുമ്പോള്‍ നമ്മള്‍ ഒരു പരുവത്തിലാവും....
Mar 1
ANOOP S R - പ്രസ്താവനയും ഒരു രാഷ്ട്രീയ പ്രവര്‍ത്തനമാണ്. ദിവസവും പത്രം വായിക്കുന്നത് തന്നെ ഒരു രാഷ്ട്രീയ പ്രവര്‍ത്തനമാണ് എന്ന് ഞാന്‍ വിശ്വസിക്കുന്നു. Mar 1
ANOOP S R - കുത്തക കമ്പനികളെ നാം തീര്‍ത്തു എതിര്‍ക്കേണ്ട ആവശ്യമില്ല. അവരുടെ തെറ്റുകലെയാണ് നാം എതിര്‍ക്കേണ്ടത്. തുടരെത്തുടരെ ബിഗ്‌ ബസാറുകള്‍ വരുന്നതിനാല്‍ ചെറുകിട കച്ചവടക്കാര്‍ നശിക്കുന്നതിനെയും, coca -cola യുടെ ജലചൂഷനത്തെയും നാം എതിര്‍ക്കണം. എന്നാല്‍ നമ്മുടെ യുവജനതക്ക് ധാരാളം തൊഴില്‍ അവസരങ്ങള്‍ നല്‍കുന്ന കുത്തകകളെ നാം സ്വീകരിക്കുകയാണ് വേണ്ടത്. അതുകൊണ്ടാണ് 80-കളുടെ അവസാനത്തില്‍ നായനാര്‍ നേതൃത്വം നല്‍കിയ ഇടതുപക്ഷ സര്‍ക്കാര്‍ technopark -നു രൂപം നല്‍കിയത്..... Mar 2
Harikrishnan Sreekumar - "എന്നാല്‍ നമ്മുടെ യുവജനതക്ക് ധാരാളം തൊഴില്‍ അവസരങ്ങള്‍ നല്‍കുന്ന കുത്തകകളെ നാം സ്വീകരിക്കുകയാണ് വേണ്ടത്. " - നൂറു ശതമാനം ശരി ..... പക്ഷേ അവിടെ ജോലി നേടിയ യുവാക്കള്‍ പിന്നെ പലപ്പോഴും നി:ശ്ശബ്ദരാകുന്നത് എന്തു കൊണ്ട് ? അനീതി നടക്കുന്നതു കണ്ടാലും അവര്‍ എതിര്‍ക്കില്ല. ഭൂരിപക്ഷവും ഇത്തരമാണ് .."സ്വന്തം കാര്യം സിന്ദാബാദ്" എന്ന നിലപാട് തന്നെ അവര്‍ക്ക് ....തന്റെ കാര്യം സുരക്ഷിതമാകുന്നതു വരെയേ അവര്‍ക്ക് ശബ്ദം ഉള്ളൂ .... Mar 2
Harikrishnan Sreekumar - അനൂപേ , നിന്റെ മലയാളം ടൈപ്പിങ്ങില്‍ അല്ലറ ചില്ലറ പിശകുകള്‍ ഉണ്ട് ... മൃദുതന്തുവിന്റെ (സോഫ്റ്റ് വെയറിന്റെ ) തകരാര്‍ അല്ല എങ്കില്‍ അക്ഷരത്തെറ്റു വരുത്താതെ നോക്കണേ...... മാതൃഭാഷയാല്‍ തന്നെ വല നിറയട്ടെ :-) Mar 2
ANOOP S R - മൃദുതന്തുവിന്റെ കുഴപ്പമാ.......... ഞാനെന്താ ചെയ്ക...... Mar 2
ANOOP S R - Your very silence shows you agree Mar 2
Harikrishnan Sreekumar - നല്ല വാക്യം .....പക്ഷേ അനുകൂലിക്കുന്നവന്‍ മാത്രമല്ല ഈ ലോകത്ത് നിശ്ശബ്ദനാകുന്നത് ; എതിര്‍ക്കുന്നവനും ആകും .... കാരണം ലളിതം .... സാഹചര്യം ശരി അല്ലെങ്കില്‍ വാ തുറന്നാല്‍ തന്റെ തടി കേടാകുമെന്ന് അവന് നല്ലവണ്ണം അറിയാം ....he plays the safe game... Mar 3

ANOOP S R
- സ്വന്തം അഭിപ്രായം പുറത്തു പറയാന്‍ ധൈര്യം ഇല്ലാത്ത ആയിരം നപുംസകങ്ങലേക്കാള്‍ നല്ലത് തനിക്കു നഷ്ടങ്ങള്‍ ഉണ്ടാകുമെന്നരിഞ്ഞിട്ടും തനിക്കു ശരിയെന്നു തോന്നുന്നത് മുഖത്തുനോക്കി പറയാന്‍ ചങ്കൂറ്റമുള്ള ഒരാളാണ്. അദ്ദേഹമാണ് യഥാര്‍ത്ഥ സൂപ്പര്‍ സ്റ്റാര്‍. തിലകനാണ് താരം........... Mar 3
ANOOP S R - . www.anoopesar.blogspot.com Mar 6


ശുഭം!
മംഗളം!

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ

മടിച്ചു നില്‍ക്കാതെ കടന്നു വരൂ; ഘോരഘോരമായ വിമര്‍ശന പീരങ്കികള്‍ എടുത്തു പ്രയോഗിക്കൂ....